Tveir karlmenn voru skotnir til bana með Kalashnikov-árásarriffli og 14 ára stúlka var særð alvarlega í árás í nótt í borginni Marseille í Frakklandi. Mennirnir voru skotnir í bifreið á bílastæði í borginni. Stúlkan var stödd þar skammt frá og varð fyrir skotum.
Fram kemur í frétt AFP að skotárásir eigi sér stað í Marseille reglulega en borgin sé þekkt fyrir háa glæpatíðni. Sex hafa verið skotnir til bana það sem af er þessu ári en flest slík tilfelli tengjast átökum gengja.