Ekki marktækur munur á Clinton og Trump
Setja bókamerki
Ekki er marktækur munur á fylgi Donalds Trumps, forsetefnis repúblikana, og Hillary Clinton, forsetaefnis demókrata, samkvæmt nýjustu skoðanakönnun Reuters og Ipsos.
Fylgi Trumps mælist 38% en Clinton 41%. Munurinn er þó ekki marktækur vegna þess að vikmörkin eru fjögur prósentustig.
Donald Trump hefur sótt í sig veðrið að undanförnu og jókst fylgi hans töluvert meðan á landsþingi Repúblikanaflokksins í Cleveland stóð.
Könnun Reuters og Ipsos var gerð dagana 18.-22. júlí.
Áður en landsþingið hófst, síðasta mánudag, mældist fylgi Clinton um tíu prósentustigum meira en fylgi Trumps.
Ekki er óþekkt að fylgi forsetaframbjóðenda aukist í kjölfar landsþings. Fylgi Mitts Romneys, forsetaframbjóðanda repúblikana fyrir fjórum árum, jókst til að mynda um fimm prósentustig í kjölfar landsþings flokksins.
Landsþing demókrata fer fram í Philadelphiu í næstu viku.
Clinton hefur haft forystu í flestum skoðanakönnunum undanfarna mánuði. Fylgi Trumps hefur ekki mælst meira síðan um miðjan maímánuð, þegar ljóst varð að Trump hefði sigrað í forkosningum Repúblikanaflokksins. Í kjölfarið dalaði það.
Könnunin var gerð í öllum fimmtíu ríkjum Bandaríkjanna en alls voru 1.036 manns spurðir.
Aðkoman í gripahúsið mjög slæm
29 nautgripir fundust dauðir
Bjarkey stendur við skammarbréf Svandísar
Aðeins ein leið fær í Grindavíkurmálum
Gerir ráð fyrir 150 samningum í næstu viku
Hægagangur og vaxandi ókyrrð
Sárt að horfa upp á illa meðferð fjármuna