Ríki íslams tengist árásum í Bangladess

John Kerry, utanríkisráðherra Bandaríkjanna, segir nýjar sannanir benda til þess að tengsl séu milli hryðjuverkasamtakanna Ríkis íslams og fjölda mannskæðra árása sem hafa verið framdar í Bangladess á undanförnum mánuðum.

„Við ræddum þetta opinskátt og gerðum þeim alveg ljóst …að nýjar vísbendingar bentu til þess að Ríki íslams í Írak og Sýrlandi væru í sambandi við einar átta einingar víðsvegar um heiminn og að ein þeirra væri í Suður-Asíu,“ hefur AFP fréttastofan eftir Kerry, sem fundaði í dag með stjórnvöldum í Bangladess.

„Þeir tengjast að einhverju leyti aðilum hér og við létum það skýrt í ljós og því var ekki mótmælt,“ sagði Kerry. Stjórnvöld í Bangladess hafa ítrekað hafnað því að Ríki íslams hafi náð fótfestu í landinu.

• Blogga um frétt