Danskir þingmenn eru hættir við að heimsækja flóttamannamiðstöð á vegum ástralskra yfirvalda sem rekin er á Kyrrahafseyjunni Nauru. Ástæðan er sú að tveimur þingmönnum sem hafa gagnrýnt reksturinn var bannað að taka þátt í heimsókninni af áströlskum yfirvöldum.
Johanne Schmidt-Nielsen, þingmaður Enhedslisten sem er bandalag vinstri grænna (Rauð-græna bandalagið), og Jacob Mark, þingmaður Socialistik Folkeparti (SF), hafa gagnrýnt stjórnvöld í Canberra fyrir að senda hælisleitendur til eyjunnar og eins hafa þau gagnrýnt aðbúnaðinn þar.
Schmidt-Nielsen segir að öll sendinefndin hafi ákveðið að hætta við heimsóknina eftir að ljóst varð að stjórnvöld í Ástralíu vildu ekki endurskoða ákvörðun um þau tvö fengju að heimsækja búðirnar. Í sendinefndinni eru þingmenn úr Jafnarmannaflokknum, Venstre og danska Þjóðarflokknum.
„Það er algjörlega óásættanlegt og ólýðræðislegt og segir allt um ástandið á Nauru að þeim sem gagnrýna er neitað um aðgang,“ segir Schmidt-Nielsen. Einum þingmanni til viðbótar, sem hafði ekki gagnrýnt búðirnar, Naser Khader, þingmanni Íhaldsflokksins, var einnig synjað um að heimsæja búðirnar. Í dönskum fjölmiðlum er talið að ástæðan sé sú að umsókn hans hafi borist of seint en Schmidt-Nielsen telur að arabískt nafn hans hafi skipt máli.
Skýrslan aðeins toppurinn á ísjakanum
Flutt nauðug á eyjuna og brotið á þeim