Búast við notkun efnavopna
Öryggissveitir Íraks eru nú um 80 kílómetra suður af borginni Mosul. Bandarísk yfirvöld telja líklegt að árás á borgina muni hefjast strax í byrjun október.
AFP
Setja bókamerki
Ríki íslams gæti notað sinnepsgas þegar ráðist verður að samtökunum og reynt að ná aftur borginni Mosul í Írak, en það er önnur stærsta borg landsins. Þetta segir Jeff Davis, talsmaður varnarmálaráðuneytis Bandaríkjanna.
Á fundi með fréttamönnum í dag sagði hann að hægt væri að gera ráð fyrir því að samtökin myndu reyna að nota efnavopn að nýju eins og þeir hafi áður gert í fjölmörg skipti.
Öryggissveitir frá Írak með stuðningi Bandaríkjanna eru nú á lokametrunum að undirbúa árás til að ná borginni á nýjan leik, en ríki íslams tók borgina með valdi árið 2014 og hefur hún síðan þá verið helsta vígi samtakanna í Írak.
Telja bandarísk stjórn völd líklegt að öryggissveitir Íraks geti jafnvel hafið árás strax í byrjun október.
Børsen brennur á afmæli drottningar
Forsetafylgismenn dregnir í dilka
Myndir: Stórbruni í Kaupmannahöfn
Íslenska ríkið dæmt brotlegt
Danir í áfalli yfir brunanum
„Ef það er einhver einn lærdómur...“
„Eins og ef Alþingishúsið brynni hér“