„Við verðum að sætta okkur við þessa lýðræðislegu niðurstöðu og þessa skítlélegu kosningabaráttu Camerons.“

Þetta sagði Günther Oettinger, sem fer með málefni stafræna hagkerfisins í framkvæmdastjórn Evrópusambandsins, á fundi með samtökum evrópskra símafyrirtækja í gær samkvæmt fréttavef breska dagblaðsins Evening Standard.

„Mér þykir það leitt en svona er lífið og skítur skeður,“ sagði Oettinger einnig. Vísaði hann þar til þjóðaratkvæðisins í Bretlandi í júní þar sem meirihluti breskra kjósenda samþykktu að segja skilið við Evrópusambandið.

David Cameron, þáverandi forsætisráðherra Bretlands, boðaði til þjóðaratkvæðisins og barðist fyrir áframhaldandi veru í sambandinu. Cameron sagði síðan af sér eftir að niðurstaða atkvæðagreiðslunnar lágu fyrir.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt