Afhending á nauðsynlegum hjálpargögnum til austurhluta Aleppo í Sýrlandi, sem átti að hefjast í morgun tefst. Ástæðan er sú að ekki var tryggt að ástandið þar væri öruggt.
„Ekki var hægt að hefja flutning á lyfjum og öðrum hjálpargögnum fyrir þá sem þurfa nauðsynlega á þeim að halda í morgun eins og áætlanir gerðu ráð fyrir. Ástæðan er sú að ákveðin skilyrði voru ekki uppfyllt, “ segir Jens Laerke talsmaður Sameinuðu þjóðanna.
Jan Egeland yfirmaður mannúðarmála hjá Sameinuðu þjóðunum sagði að öll ljós þyrftu að verða „græn“ svo hægt yrði að fara með gögnin. Þetta þyrftu allir að samþykkja; uppreisnarmenn sem héldu borginni Aleppo fanginni auk sýrlenskra stjórnvalda og Rússa sem styðja ríkisstjórnina. Þetta lægi ekki fyrir og því væri ekki hægt að veita nauðsynlega aðstoð.
Í gær tilkynti varnarmálaráðherra Rússlands að Rússar framlengdu hlé sem gert var á átökum í borginni Aleppo í sólarhring, en áður hafði hafði verið boðað að vopnahléið myndi standa í 11 stundir.