Suður-Afríka ætlar að draga sig út úr alþjóðlega stríðsglæpadómstólnum í Haag. Ákvörðunin, sem hefur verið gagnrýnd af mannréttindasamtökum, var tekin eftir deilu sem kom upp á síðasta ári.
Þá leyfðu stjórnvöld í Suður-Afríku forseta Súdans, Omar al-Bashir, að sækja ráðstefnu Afríkusambandsins sem var haldin í landinu þrátt fyrir að handtökuskipan hafði verið gefin út á hendur honum af stríðsglæpadómstólnum.
Suður-afrísk stjórnvöld sögðu að hann nyti friðhelgi sem meðlimur í Afríkusambandinu.
Stríðsglæpadómstóllinn vill að Bashir verði handtekinn vegna meintra stríðsglæpa hans í tengslum við átökin í Darfur-héraði í Súdan.
Mannréttindavaktin segir að fyrirhugað brotthvarf Suður-Afríku sýni vanvirðingu landsins gagnvart lögum og reglum.