Hætt að svara Trump
Setja bókamerki
Forsetaframbjóðandi Demókrataflokksins, Hillary Clinton, segist ekki lengur hafa áhuga á því sem andstæðingur hennar Donald Trump hefur að segja. Hún ætlar þess í stað að einbeita sér að málefnunum.
„Ég deildi við hann í fjóra og hálfa klukkustund,“ sagði hún og átti þar við kappræður þeirra. „Ég hugsa ekki einu sinni um það lengur að svara honum.“
Þetta sagði Clinton er hún var að fara um borð í flugvélina sem hefur notað í kosningaherferð sinni, að því er BBC greindi frá.
Aðeins sextán dagar eru þangað til kosningarnar fara fram og hingað til hefur mikil orka farið í að ræða um persónuleg málefni hjá frambjóðendunum.
Fylgi Trumps hefur dregist saman vegna umfjöllunar um að hann hafi áreitt fjölda kvenna kynferðislega og vegna ummæla hans frá árinu 2005 þar sem hann hafði uppi niðrandi ummæli í garð kvenna.
12 prósentustiga forskot
Samkvæmt nýrri skoðanakönnun fréttastofunnar ABC mælist Clinton núna með 12 prósentustiga forskot á Trump í kapphlaupinu um forsetastólinn.
Í skoðanakönnun sem ABC og dagblaðið Washington Post gerðu fyrir tíu dögum síðan var Clinton með fjögurra prósentustiga forskot.
Gerir ráð fyrir 150 samningum í næstu viku
Mikilvægt að vera á tánum
Almannavarnir auka viðbúnað
Mun fara sparlega með málskotsréttinn
Hafa „ágætis tíma“ til úrbóta
29 nautgripir fundust dauðir
Ný staða uppi og óvissan meiri