Evrópusambandið ákvað í dag að framlengja landamæraeftirlit innan Schengen-svæðisins í þrjá mánuði. Gripið var til eftirlitsins á síðasta ári víðs vegar um svæðið í kjölfar þess að mikill fjöldi flóttamanna og förufólks komst inn fyrir ytri mörk þess í Austur-Evrópu.

Schengen-samstarfið gengur út á það að aðildarríkin fella niður landamæraeftirlit innbyrðis en þess í stað er eftirlitið aukið á ytri mörkum svæðisins. Hins vegar brustu ytri mörk Schengen-svæðisins á síðasta ári og var því meðal annars gripið til þessa neyðarúrræðis.

Fram kemur í frétt AFP að framkvæmdastjórn Evrópusambandsins hafi tilkynnt að eftirlit á landamærum Austurríkis, Þýskalands, Danmörku, Svíþjóðar og Noregs yrði framlengt um þrjá mánuði. Eftirlitið hefur verið framlengt nokkrum sinnum áður.

Tengdar fréttir

Á flótta

Ástralska ríkið samdi við vafasöm fyrirtæki

• ESB herðir löggjöf um málefni flóttafólks
• 41 flóttamanns saknað
• Móðir og ungbarn drukknuðu
• Tekur á móti allt að 140 einstaklingum í viðkvæmri stöðu

» Fleiri tengdar fréttir

• Blogga um frétt