„Bætir ekki öryggisástandið“
Setja bókamerki
Rússnesk stjórnvöld gagnrýna áætlanir Bandaríkjanna um að senda rúmlega 300 manna herlið til Noregs. Segja þau að þessar ráðagerðir geri ekkert til að auka öryggi ríkja Norður-Evrópu.
Eins og mbl.is greindi frá á mánudag verða 330 landgönguliðar sendir til Noregs í janúar næstkomandi. Verða þeir staðsettir í Værnesi, skammt frá Þrándheimi, um 1.000 kílómetra frá rússnesku landamærunum, en þar munu þeir stunda æfingar við kaldar aðstæður.
Fyrr í mánuðinum greindi mbl.is einnig frá orðrómi þessa efnis.
Fréttir mbl.is:
Bandaríkjaher á leið til Noregs?
330 bandarískir hermenn á leið til Noregs
Verði endurskoðað á næsta ári
„Staðsetning landgönguliða Bandaríkjanna í Værnesi mun vissulega ekki bæta öryggisástandið í Norður-Evrópu,“ segir Maxim Gurov, talsmaður rússneska sendiráðsins í Ósló, í tölvupósti til fréttaveitunnar AFP.
Áður en Norðmenn gengu í Atlantshafsbandalagið, árið 1949, stemmdu þeir stigu við ótta Rússa með því að heita því að landsvæði þeirra yrði ekki opnað fyrir erlendu herliði nema ráðist yrði inn í landið, eða því hótað.
Norska ríkisstjórnin segir herlið NATO þegar æfa reglulega í landinu og að koma bandarísks herliðs til landsins jafnist ekki á við opnun varanlegrar bandarískrar herstöðvar. Þá sé fyrirkomulagið aðeins tilraun sem endurskoðuð verði á næsta ári.
Mikil skjálftavirkni á landinu áhyggjuefni
Benda á Samgöngustofu sem bendir út í heim
Innviðir þandir og álagið „gríðarlegt“
Stóraukið fé til samgöngusáttmála
Markaðurinn hitnar og leiguverð hækkar hratt
„Þögnin er ærandi“
„Menn eru bara búnir að forgangsraða“