Cazeneuve næsti forsætisráðherra Frakklands

Bernard Cazeneuve, innanríkisráðherra Frakklands, verður næsti forsætisráðherra landsins, að því er greint var frá í fréttatilkynningu frá franska forsætisráðuneytinu.

Núverandi forsætisráðherra, Manuel Valls, tilkynnti í gær að hann myndi sækjast eftir útnefningu Sósíalistaflokksins sem frambjóðandi flokksins í forsetakosningunum í vor.

Frétt mbl.is: Talið að Valls láti af embætti í dag

AFP-fréttastofan hefur áður greint frá því að líklegt sé að Valls láti af embætti í dag.

Cazeneuve mun gegna embætti forsætisráðherra fram að þingkosningunum sem fram fara í landinu í júní á næsta ári.

• Blogga um frétt