Eiginkona Orlando-byssumannsins handtekin
Omar Mateen varð 49 manns að bana í árásinni á Pulse-skemmtistaðinn. Eiginkona hans er nú sökuð um að hafa aðstoðað hann.
AFP
Setja bókamerki
Eiginkona mannsins sem varð 49 manns að bana á Pulse-skemmtistaðnum í Orlando í Flórída var í dag handtekin í San Francisco.
Fréttavefur BBC segir Noor Salman hafa verið handtekna vegna gruns um að hún hafi aðstoðað eiginmann sinn Omar Mateen og hvatt hann til verka. Mateen dó í átökum við lögreglu eftir skotárásina á skemmtistaðinn.
Búist er við að yfirvöld í Flórída fái Salman framselda.
53 særðust í árásinni, en Mateen hafði lýst yfir hollustu við hryðjuverkasamtökin Ríki íslams í myndbandsupptöku áður en hann réðst til atlögu.
„Það þarf að vinna mikinn fjölda upp“
Handteknir eftir myndatöku í Vesturbæjarlaug
Veiting hvalveiðileyfis ekki brot á EES-samningi
Æskuvinur Íslendings myrtur í Noregi
Beint frá Kína
Verðbólgan komin niður í 6%
Vona að Orkustofnun veiti ekki virkjunarleyfi