Börn í skóla á nýjan leik
Setja bókamerki
Þúsundir íraskra barna hafa sest aftur á skólabekk í Mósúl í Írak. 30 skólar voru opnaðir á sunnudaginn í austurhluta Mósúl sem taka við 16 þúsund börnum. Skólahald hefur ekki verið með eðlilegum hætti undanfarin tvö ár eftir að íslamskt jíhad hefur verið þar í gildi, segir í tilkynningu frá UNICEF.
Íraski stjórnarherinn og bandamenn hafa unnið að því frá því í október að ná Mósúl úr höndum vígamanna hryðjuverkasamtakanna Ríki íslams. Lokahnykkur áhlaupsins á borgina, sem er síðasta höfuðvígi samtakanna í Írak, hófst í síðasta mánuði.
Nokkrir skólar hafa verið lokaðir í allt að tvö ár og stúlkum verið meinuð skólaganga.
Þrátt fyrir að börnin geti hafið skólagöngu á ný mun það taka langan tíma að byggja upp skólahald á nýjan leik.
„Eftir martröð síðustu tveggja ára er þetta mikilvæg stund. Börnin í Mósúl geta nú haldið áfram að mennta sig í von um betri framtíð,“ segir Peter Hawkins, fulltrúi UNICEF í Írak.
Frá því Ríki íslams náði yfirráðum á svæðinu hafa hópar úr þeirra röðum notað skólana til að innræta börnum öfgafulla hugmyndafræði samtakanna. Í myndböndum hryðjuverkasamtakanna hefur meðal annars verið sýnt frá því að börn eru látin taka fólk af lífi.
Gerir ráð fyrir 150 samningum í næstu viku
Kveðst tala af virðingu: „Ég er enginn dóni“
Ofsóttur innan veggja Boeing
Innviðir þandir og álagið „gríðarlegt“
Kvikan virðist nú skiptast til helminga
„Það er skiljanlegt að þolinmæði þeirra sé lítil“
Hægagangur og vaxandi ókyrrð