Upptaka af árásinni á Kim
Setja bókamerki
Myndbandsupptaka úr öryggismyndavélum sýnir hvar konur ráðast á Kim Jong-Nam, hálfbróður Kims Jong-Un, einræðisherra Norður-Kóreu, á flugvellinum í Kuala Lumpur í Malasíu.
Á upptökunum, sem fjölmiðlar víða um heim hafa nú birt, og sagðar eru vera úr öryggismyndavélunum, má sjá Kim Jong-Nam ganga um völlinn og svo hvar kona kemur aftan að honum og setur eitthvað fyrir vit hans. Sá hluti myndskeiðsins er frekar óskýr.
Leyniþjónustu Suður-Kóreu grunar að Kim Jong-Un hafi staðið að baki árásinni á bróður sinn sem var eldri en hann og að mörgum tali réttmætur arftaki valdasprotans í Norður-Kóreu.
Á upptökunni má sjá hvar tvær konur nálgast Kim Jong-Nam. Hann lést á flugvellinum fyrir viku, þann 13. febrúar.
Lögreglan í Malasíu segir að Kim hafi sagt við tollverði á flugvellinum áður en hann lést að tvær konur hefðu strokið vökva yfir andlit sitt og að sig svimaði í kjölfarið.
Ákveðið var að flytja hann á sjúkrahús en hann lést í sjúkrabílnum á leiðinni þangað.
Hafa „ágætis tíma“ til úrbóta
Aðkoman í gripahúsið mjög slæm
Sárt að horfa upp á illa meðferð fjármuna
Segjast hafa skotið niður langdræga sprengjuvél
Gerir ráð fyrir 150 samningum í næstu viku
Almannavarnir auka viðbúnað
Unnu að fullum heillindum að kaupum á TM
29 nautgripir fundust dauðir