Erlent | AFP | 1.3.2017 | 11:34

Ákæra lögreglumennina

Fórnarlamba blóðbaðsins í Soussse minnst á ströndinni við hótelið. Byssumaðurinn gekk um í góðan tíma og skaut eins marga og hann gat. AFP

Stjórnvöld í Túnis ætla að ákæra sex lögreglumenn vegna rangra viðbragða þeirra er árásarmaður hóf skothríð við hótel í Sousse árið 2015. 38 létust. Flestir þeirra voru breskir ferðamenn.

Í gær lauk rannsókn breskra stjórnvalda á aðdraganda árásarinnar. Var ein helsta niðurstaða hennar að lögreglan á staðnum hefði ekki brugðist nógu hratt við. Voru viðbrögðin sögð nálgast það að teljast huglaus.

Frétt af mbl.is

Fálmkennd eða huglaus viðbrögð

Lögreglumennirnir sex verða allir ákærðir fyrir að mistakast að koma fólki í neyð til hjálpar. Ekki er búið að ákveða hvenær réttarhöldin yfir þeim hefjast.

Í heild verða 33 ákærðir vegna árásarinnar. Ríki íslams lýsti ábyrgð á tilræðinu á hendur sér.

Fjórtán eru í varðhaldi og eru lögreglumennirnir ekki þeirra á meðal. Sjö eru á flótta.