Opnað var fyrir almenningssamgöngur um alla hluta Lundúnaborga í morgun, eftir hryðjuverkaárásina í nágrenni Westminster í gær þar sem fjórir létu lífið að árásarmanninum meðtöldum.

Lundúnabúar virðast staðráðnir í að láta atburði gærdagsins ekki hafa áhrif á daglegt líf og hefur starfmaður neðanjarðarlestarstöðvar í borginni í því skyni sett upp sérstaka tilkynningu til hryðjuverkamanna, sem nú fer eins og eldur um sinu á samfélagsmiðlum.

„Allir hryðjuverkamenn eru vinsamlegast minntir á að þetta er London,“ eru orðin sem tilkynningin hefst á. „Og hvað sem þið gerið okkur þá munum við drekka te og halda okkar striki,“ segir því næst. Í anda hefðbundinnar breskrar kurteisi lýkur skilaboðunum svo a sjálfsögðu á orðunum takk fyrir.

Tengdar fréttir

Árás við þinghúsið í London

Munu kalla mig hryðjuverkamann

• Handtekinn með hnífa við Westminster
• Sjötta manneskjan látin í London
• Prinsinn ræddi við eftirlifendur
• Ekkja Masood segist miður sín

» Fleiri tengdar fréttir

• Blogga um frétt