Geta ekki lesið síðustu skilaboðin
Setja bókamerki
Það má ekki vera til „neinn staður þar sem hryðjuverkamenn geta falið sig“ og leyniþjónustan verður að geta haft aðgang að dulkóðuðum skilaboðum. Þetta segir Amber Rudd, innanríkisráðherra Bretlands. BBC greinir frá.
Í ljós hefur komið að Khalid Masood, sem varð fjórum að bana í hryðjuverkaárásinni á miðvikudaginn, hafði sent skilaboð á snjallsímaforritinu WhatsApp aðeins tveimur mínútum áður en hann gerði árásina við þinghúsið í Westminster.
Lögreglan hefur ekki getað lesið skilaboðin sem hann sendi.
Amber Rudd sagðist jafnframt ætla að óska eftir því að tæknifyrirtæki myndu starfa með stjórnvöldum. Hún á fund með þeim í vikunni. „Við verðum að tryggja að leyniþjónustan okkar hafi getu til að leysa mál eins og þetta og geti jafnframt ráðið í dulkóðuð skilaboð eins og í WhatsApp,“ sagði Rudd.
Jeremy Corbyn, formaður Verkamannaflokksins, sagði að það þyrfti að vera jafnvægi á milli þess sem fólk ætti „rétt á að vita“ og „réttar til einkalífs“.
Í umræddu snjallforriti getur einungis sá sem ætlað er að lesa skilaboðin lesið þau. Þetta þýðir að enginn annar getur lesið þau og þar með talið lögreglan.
Hjón sluppu með skrekkinn
Segir óábyrgt að skipta út öllu bankaráðinu
Allar rúður brotnar hjá Fiskikónginum
Niðurstaða MDE kallar á breytingar
Mikil skjálftavirkni á landinu áhyggjuefni
Benda á Samgöngustofu sem bendir út í heim
„Þögnin er ærandi“
„Við eigum hvergi heimili“