Lík í skiptum fyrir 9 ríkisborgara
Setja bókamerki
Lík Kim Jong-Nam verður sent til Norður-Kóreu og níu malasískum ríkisborgurum í Pyongyang verður heimilað að yfirgefa landið, segir forsætisráðherra Malasíu, Najib Razak. Að sama skapi fá ríkisborgarar Norður-Kóreu að snúa aftur heim frá Malasíu.
Kim, 45 ára gamall hálfbróðir leiðtoga Norður-Kóreu, var myrtur á alþjóðaflugvellinum í Kuala Lumpur 13. febrúar. Morðvopnið var eitur sem er á lista Sameinuðu þjóðanna yfir gjöreyðingarvopn.
Najib segir að í kjölfar þess að krufningu er að fullu lokið og beiðni fjölskyldunnar um að líkið verði sent til N-Kóreu var ákveðið að verða við þeirri beiðni. Á sama tíma hafi yfirvöld í N-Kóreu veitt 9 malasískum ríkisborgurum heimild til að yfirgefa landið en þeir voru kyrrsettir í N-Kóreu eftir að samskipti ríkjanna versnuðu í kjölfar morðrannsóknarinnar. Fólkið er á leiðinni til Malasíu og er væntanlegt þangað innan tíðar.
Hann segist hafa miklar áhyggjur af málinu og enn sé unnið að rannsókn þess. Tryggja verði öryggi malasískra ríkisborgara.
Segjast ekki vera á kaldri slóð
Gerir ráð fyrir 150 samningum í næstu viku
29 nautgripir fundust dauðir
Almannavarnir auka viðbúnað
Unnu að fullum heillindum að kaupum á TM
Sárt að horfa upp á illa meðferð fjármuna
Spursmál: Fyrsta stóra viðtal Katrínar