Norðurkóresk yfirvöld heita því að sökkva flugmóðurskipi Bandaríkjanna, USS Carl Vinson, til að sýna hernaðarlegan styrk landsins. Skipið er nú á leið að Kóreuskaga ásamt japönskum tundurspillum, en flotinn hyggst stunda þar æfingar, þangað sem hann er væntanlegur innan fárra daga.

Í ríkisdagblaðinu Rodong Sinmun segir að herinn sé reiðubúinn að granda skipinu í einni árás, en Norður-Kórea fagnar því á þriðjudag að 85 ár eru liðin frá stofnun hers landsins og hefur ríkið yfirleitt notað stórafmælin til að prófa vopnin. Reuters greinir frá.

Norður-Kórea hefur gert fimm kjarnorkutilraunir, tvær á síðasta ári, og er að vinna að langdrægum flaugum sem gætu náð til Bandaríkjanna. Hafa Norður-Kóreumenn nokkrum sinnum gert tilraunir með langdrægar flaugar í óþökk Sameinuðu þjóðanna.

Tengdar fréttir

Norður-Kórea

Skutu langdrægu flugskeyti á loft

• Zhao heimsækir Norður-Kóreu
• Segir Kishida vilja funda með Kim Jong-un
• 12 ára þrælkunarvinna fyrir sjónvarpsgláp
• Heræfing nærri suðurkóreskri lögsögu

» Fleiri tengdar fréttir

• Blogga um frétt