Lögreglan í Lundúnum handtók í dag mann skammt frá þinghúsunum í Westminster en að sögn sjónarvotta sáust hnífar á vettvangi. Stutt er liðið frá því að maður ók á vegfarendur nærri þinghúsunum og varð fjórum að bana, auk þess að særa lögreglumann til ólífis í stunguárás.

Ljósmyndari AFP varð vitni að því þegar lögregla umkringdi manninn og hélt honum niðri. David Wisniowski, sem var við vinnu á byggingasvæði skammt frá, sagðist hafa séð þrjá hnífa á jörðinni; „einn stóran og tvo litla.“

Gabrielle Hennessy, 20 ára ferðamaður frá Bandaríkjunum, lýsti því hvernig lögregla hefði hraðað sér að manninum.

„Við vorum að ganga eftir Parliament Square og sáum lögreglu þyrpast að honum. Og svo lá hann í götunni umkringdur lögreglu. Þeir reistu hann á fætur og þá sá ég hnífinn á jörðinni,“ sagði hún við AFP.

Lögreglan hefur girt svæðið af.

Hnífar sáust á jörðinni. AFP

Lögregla hefur girt svæðið af. AFP

Tengdar fréttir

Árás við þinghúsið í London

Munu kalla mig hryðjuverkamann

• Sjötta manneskjan látin í London
• Prinsinn ræddi við eftirlifendur
• Ekkja Masood segist miður sín
• Engin tengsl við Ríki íslams

» Fleiri tengdar fréttir

• Blogga um frétt