Hætta á meiri háttar átökum
Setja bókamerki
Tengdar fréttir
Norður-Kórea
Donald Trump, forseti Bandaríkjanna, segir að þrátt fyrir að hann vilji leysa deilurnar á Kóreuskaganum sé hætta á meiri háttar átökum á svæðinu. Trump vonast til þess að hægt verði að leysa pattstöðuna sem er vegna kjarnorku- og eldflaugaáætlunar Norður-Kóreu með diplómatískum leiðum.
Bandarísk yfirvöld hafa ítrekað reynt undanfarna daga að fá yfirvöld í Norður-Kóreu ofan af því að gera kjarnorkuvopnatilraunir. Rex Tillerson, utanríkisráðherra Bandaríkjanna, segir að Bandaríkin séu reiðubúin til þess að hefja beinar viðræður við yfirvöld í N-Kóreu en þau yrðu að vera reiðubúin til þess að leggja sitt af mörkum.
Harry Harris, yfirmaður herafla Bandaríkjahers á Kyrrahafi, segir að deilurnar við Norður-Kóreu séu þær alvarlegustu sem hann hafi upplifað á þessu svæði.
Trump tekur í svipaðan streng en í viðtali við Reuters segir Trump að þetta geti endað með gríðarlegum átökum við Norður-Kóreu. Trump hrósar forseta Kína, Xi Jinping, fyrir hans þátt í að reyna að leysa deiluna á Kóreu-skaganum. Hann segir að Xi reyni eins og hann geti til þess að leysa deiluna enda hafi hann ekki áhuga á ringulreið og mannfalli.
„Hann vill ekki sjá slíka hluti gerast. Hann er góður maður. Hann er mjög góður maður og ég þekki hann mjög vel,“ segir Trump.
Tengdar fréttir
Norður-Kórea
Hönnun sem bætir líf manna
Vélsleðaslys: Þyrlan kölluð út á mesta forgangi
„Okkur miðar í rétta átt“
Tapa fimm milljónum á dag
„Þetta náttúrulega endar með ósköpum“
„Skýr skilaboð til Seðlabankans“
Hernaðaraðstoð samþykkt – Vopnasendingar í vikunni