Palestínsku íslamistasamtökin Hamas tóku þrjá einstaklinga af lífi á Gasa-ströndinni í dag vegna vígs eins af herforingjum samtakanna. Hamas fullyrðir að Ísrael hafi látið vega herforingjann. 

Tveir karlmenn voru hengdir í Gasaborg vegna vígs herforingjans Mazen Faqha í mars en sá þriðji var tekinn af lífi af aftökusveit samkvæmt frétt AFP. Hundruðum manna var boðið að horfa á aftökurnar. Einn mannanna var sakfelldur fyrir að hafa vegið Faqha en hinir fyrir að hafa aðstoðað hann. Tvær vikur eru síðan mennirnir voru handteknir.

Mannréttindasamtök hafa fordæmt aftökurnar. Human Rights Watch sagði hraðann á málsmeðferðinni til marks um það að mennirnir hafi ekki fengið réttláta málsmeðferð.

Tengdar fréttir

Ísrael/Palestína

Ellefu Palestínumenn koma í dag

• „Stríð Ísraels og Írans yrði strategískt stríð“
• Skutu 300 drónum og flugskeytum
• Neyðarfundur boðaður í öryggisráði SÞ
• Biden og Netanjahú ræða saman

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Múslímastjórnmál og vestrænt lýðræði