Kínversk stjórnvöld segja að bandarískt herskip hafi siglt inn í landhelgi ríkisins í Suður-Kínahafi í óleyfi. Kínverski sjóherinn ákvað í framhaldinu að veita herskipinu viðvörun.
„Aðgerðir bandaríska skipsins grafa undan fullveldi Kína og öryggi landsins,“ sagði í yfirlýsingu frá talsmanni kínverska utanríkisráðuneytisins.
Bandaríska herskipið USS Dewey sigldi innan við 12 sjómílur frá manngerðri eyju sem stjórnvöld í Peking segjast eiga.