Andrzej Duda, forseti Póllands, hyggst beita neitunarvaldi sínu og samþykkja ekki lög frá þinginu um endurbætur á skipun dómara í embætti. Þúsundir Pólverja hafa mótmælt umdeildum lagabreytingum sem myndu gefa þingi landsins vald til þess að velja dómara í dómstóla landsins.
„Þessi lög styrkja ekki dómskerfið í landinu,“ sagið Duda í yfirlýsingu sem birtist í pólska sjónvarpinu.
Lögin eru sögð munu fella úr gildi gildi sjálfstæði dómstóla í landinu og gefa þar með ríkisstjórninni fullt vald yfir dómskerfinu. Ráðandi stjórnmálaflokkur Póllands, Lög og réttlæti, stendur fyrir lagabreytingunum.
Almenningur hefur lagt hart að forsetanum að samþykkja ekki lögin. Sömu sögu er að segja um Evrópusambandið sem áminnti ríkisstjórn Póllands í síðustu viku um að stöðva umdeildar endurbætur á dómstólakerfi landsins. Pólska ríkisstjórnin vísaði þeirri gagnrýni á bug og benti á að stjórnvöld myndu leysa þetta mál án utanaðkomandi aðstoðar.