17 ára unglingsstúlka hefur verið ákærð fyrir að skipuleggja hryðjuverkaárás með hryðjuverkasamtökunum Ríki íslams. Samkvæmt upplýsingum frá Scotland Yard var stúlkan í samskiptum við einn vígamanna samtakanna og var að skipuleggja að taka á móti vopnum til að stýra árás í Bretlandi.

Hún er einnig sögð hafa tekið á móti leiðbeiningum um hvernig eigi að þjálfa og nota vopn. Auk þess á hún að hafa óskað eftir aðstoð til að ljúka hryðjuverkaáformum sínum. Áform þessi brjóta í bága við breska hryðjuverkalöggjöf, sem sett var árið 2006.

Unglingurinn sætir nú gæsluvarðhaldi og mun koma fyrir rétt Westminster í dag. Þessu greinir Guardian frá í morgun.

Tengdar fréttir

Ríki íslams

Neita að tjá sig um Ríki íslams

• Vara við hugsanlegum hryðjuverkum í Moskvu
• Ekki vitað um aðra ISIS-liða
• Ríki íslams lýsir árásinni á hendur sér
• Leiðtogi Ríkis íslams sagður látinn

» Fleiri tengdar fréttir

• Blogga um frétt