Charlie Gard, sem þjáðist af banvænum hrörnunarsjúkdómi, er látinn. Þetta hefur BBC eftir talsmanni fjölskyldu hans.

Hinn ellefu mánaða Charlie, sem var viðfangs­efni langrar og bit­urr­ar laga­deilu, var fluttur á líknardeild og öndunarvél hans tekin úr sambandi. Hann lést skömmu síðar.

„Fallegi litli drengurinn okkar er farinn,“ sagði í yfirlýsingu frá foreldrum Charlies.

Þau höfðu háð bitra lagadeildu til að fá leyfi til að ferðast með Charlie til Bandaríkjanna til tilraunameðferðar. Á mánudag féllu þau frá þeirri kröfu og sögðu það orðið of seint. Þau óskuðu þess í staðinn að fá að eyða síðustu dögunum með honum heima þar sem hann gæti verið í öndunarvél fjarri spítalanum.

Breskur dómstóll hafnaði þeirri beiðni þeirra í gær og úrskurðaði að Charlie skyldi fluttur á líknardeild og öndunarvélin tekin úr sambandi fljótlega eftir það.

Tengdar fréttir

Charlie Gard

Synja foreldrum Charlies um meiri tíma

• Fundu lækni svo Charlie geti dáið heima
• Vilja að drengurinn fái að deyja heima
• Hvar liggur ákvörðunarvaldið?
• Tíminn rann út fyrir Charlie Gard

» Fleiri tengdar fréttir

• Blogga um frétt