Forsíðumyndir gagnrýna ummæli Trumps
Setja bókamerki
Tímaritin The New Yorker og The Economist hafa slegist í lið með þeim sem gagnrýna Donald Trump Bandaríkjanna fyrir að koma mótmælum hvítra kynþáttahatara í Charlottesville til varnar.
Sterkar forsíðumyndir tímaritanna setja forsetann á sömu hillu og Ku Klux Klan. The New Yorker sýnir Trump blása vindi í segl í formi Ku Klux Klan hettu á meðan að The Economist sýnir forsetann kalla í gegnum Ku Klux Klan gjallarhorn.
Í ritstjórnargrein The Economist segir að þó að Trump sjálfur sé ekki kynþáttahatari þá hafi hann kúðrað „einfaldasta prófinu í pólitík: að finna leið til þess að fordæma nasista.“ The Guardian greinir frá þessu.
„Veikburða tilraun Trumps til þess að taka á haturshópum fékk mig til þess að taka upp pennann,“ sagði David Plunkert, listamaðurinn á bak við forsíðumynd New Yorker. „Mynd sýnir hugsanir mínar betur en orð; hún getur gefið hræðilegu máli léttari blæ.“
Forsetinn hefur legið undir ámæli undanfarna daga vegna viðbragða sinna við óeirðunum í Charlottesville á dögunum þar sem hundruð hvítra kynþáttahatara og nýnasista fylktu liði til að mótmæla því að fjarlægja ætti styttur hershöfðingja úr Suðurríkjahernum. Tók það Trump tvo daga að fordæma kynþáttahatarana. Hins vegar sagði hann að báðir aðilar, kynþáttahatararnir og þeir sem mótmæltu þeim, bæru ábyrgð á orbeldinu sem varð.
„Umsátursástand“
Eyjafjarðarbraut lokað vegna alvarlegs umferðarslyss
Skar höfuðleðrið af íslenskri konu
„Hvílir mikil leynd yfir þessu öllu“
Skemmtiferðaskip hætt komið nærri Viðey
„Á réttri leið en nokkuð í land ennþá“