Þúsund nýnasistar ganga um Berlín

Lögreglan í Berlín er í viðbragðsstöðu vegna göngu eitt þúsund nýnasista frá Þýskalandi, Ungverjalandi og Tékklandi um helgina til minningar um nasistaforingjann Rudolf Hess.

Lögreglan á einnig von á að mótmælendur gegn nýnasistunum munu flykkjast út á götur til að andæfa þeim. Þetta kemur fram í frétt breska dagblaðsins Guardian. 

Lögreglan í Berlín segir að sérstakar ráðstafanir verði gerðar í ljósi nýliðinna atburða í Charlottesville, Barcelona, London og Berlín og reynt verður eins og mögulegt er að tryggja að hryðjuverk eigi sér ekki stað.

Þátttakendur göngunnar þurfa að uppfylla stranga skilmála um hvað þeir mega og mega ekki gera. Þeir mega til að mynda ekki nefna Hess á nafn né sýna af honum myndir. Þá er ekki leyfilegt að sýna tákn nasista eins og hakakrossinn.

Hræðst er að koma muni til átaka milli hópanna en því hefur lögreglan sett þeim strangar reglur um að halda sig við fyrirfram ákveðnar gögnuleiðir.

• Blogga um frétt