Árásarmaðurinn í Turku nafngreindur
Setja bókamerki
Finnska lögreglan hefur nafngreint manninn sem stakk tvo til bana og særði átta í Turku í síðustu viku.
Árásarmaðurinn heitir Abderrahman Mechkah og er átján ára gamall. Áður hafði komið fram að árásarmaðurinn væri hælisleitandi frá Marokkó.
Mechkah, sem lögregla skaut í lærið eftir árásina, mun gefa vitnisburð fyrir dómara á morgun en til stóð að það yrði í dag. Lögregla ætlar að fara fram á gæsluvarðhaldsúrskurð yfir honum, segir í tilkynningu frá embætti ríkislögreglustjóra.
Jafnframt verður farið fram á gæsluvarðhald yfir fjórum öðrum mönnum frá Marokkó sem voru handteknir nokkrum klukkustundum eftir árásina. Þeir voru handteknir við húsleit í fjölbýlishúsi í Túrkú og í miðstöð fyrir flóttafólk. Þeir eru grunaðir um aðild að árásinni. Allir neita sök.
Kvikan virðist nú skiptast til helminga
„Þögnin er ærandi“
Þrjú og hálft ár fyrir skotárás í Úlfarsárdal
„Tíminn er runninn út fyrir Kristján Loftsson“
Markaðurinn hitnar og leiguverð hækkar hratt
Myndskeið: Braut rúðurnar og rölti svo í burtu
Starfsfólk gæti fengið reikning frá Skattinum
„Það er skiljanlegt að þolinmæði þeirra sé lítil“