Átta létu lífið og nokkrir slösuðust í Gíneu í Afríku þegar ruslahaugur í úthverfi höfuðborgar landsins rann niður hæð og kramdi hús eftir miklar rigningar.
Atvikið átti sér stað eftir að rignt hafði nánast stanslaust í viku. „Ruslahaugurinn féll ofan á þrjú heimili,“ sagði Kasse, lögreglumaður í höfuðborginni Conakry.
„Fjöldi fólks er enn grafinn undir rústunum og við verðum að gera allt sem í okkar valdi stendur til að bjarga því en það er erfitt að komast að,“ bætti hann við.
Lögregluþjónar voru sendir á vettvang og björgunarlið leitaði að eftirlifendum en þeim tókst að bjarga í það minnsta tveimur.
Eight killed in Guinea in rubbish dump landslide https://t.co/PzVDcu4k20 pic.twitter.com/xUmk7sN0KG
— The Straits Times (@STcom) August 22, 2017