Donald Trump, forseti Bandaríkjanna, kallaði Kim Jong-un, leiðtoga Norður-Kóreu, „brjálæðing“ í nýjustu Twitter-færslu sinni. Leiðtogarnir tveir hafa verið að munnhöggvast á samfélagsmiðlum undanfarið.
„Kim Jong-un leiðtogi Norður-Kóreu er augljóslega brálæðingur sem skeytir engu um að svelta fólk sitt. Við munum reyna á hann.“ Þetta segir Trump í færslunni sem birtist í morgun.
Spenna hefur farið stigvaxandi milli Bandaríkjanna og Norður-Kóreu undanfarna mánuði. Trump hélt herskáa ræðu í kjölfar vetnissprengjutilraunar Norður-Kóreu fyrir skemmstu. Í gær hæddi Kim Jong-un Trump og sagði hann „andlega brenglaðan“.
Kim Jong Un of North Korea, who is obviously a madman who doesn't mind starving or killing his people, will be tested like never before!
— Donald J. Trump (@realDonaldTrump) September 22, 2017