Ungur Norðmaður fannst látinn í Frakklandi

Rúmlega tvítugur norskur námsmaður, Ommund Veim Eikje, fannst látinn í franska bænum Avignon á fimmtudagskvöldið. Eikje hafði verið saknað frá því í lok ágúst.

Eikje, sem er frá bænum Tysvær í Norður-Rogalandi, fannst látinn fyrir neðan brekku við sögulegt varnarvirki í borginni, samkvæmt frétt norska ríkisútvarpsins.

Um er að ræða vinsælan stað meðal ferðamanna til að taka myndir. Er talið að hann hafi fallið af klettinum. Fyrir tilviljun rákust menn, sem voru við vinnu á svæðinu, á líkið. Talið er að um slys hafi verið að ræða, segir Ove Eikje.  

Eikje var nemandi við háskólann í Bergen og ferðaðist til Frakklands 22. ágúst en þar ætlaði hann að leggja stund á nám í frönskum bókmenntum í skiptinámi á yfirstandandi önn.

Fjölskyldan heyrði síðast frá honum 31. ágúst þegar hann sendi þeim mynd af íbúðinni sem hann hafði tekið á leigu. Síðan þá hefur enginn heyrt frá honum, hvorki vinir né ættingjar. 2. september tók hann út af reikningi í hraðbanka og var um það leyti lýst eftir honum á öllu Schengen-svæðinu. 

Frétt NRK

• Blogga um frétt