Fyrrverandi þyngsta kona heims látin

Egypsk kona sem lengi vel var talin sú þyngsta í heimi er látin, 37 ára að aldri. Fyrr á þessu ári fór Eman Ahmed El Aty í hjáveituaðgerð á Indlandi í þeirri von um að léttast og hafði náð undraverðum árangri þegar hún lést. BBC greinir frá.

Frétt af mbl.is

Missti 100 kg eftir aðgerðina

El Aty vó um 500 kíló fyrir aðgerðina, en samkvæmt fjölmiðlum í Sameinuðu arabísku furstadæmunum, þar sem hún bjó, hafði hún misst um 300 kíló á þessu ári. Hún glímdi hins vegar við ýmiss konar heilsufarsvandamál, meðal annars hjartasjúkdóm og takmarkaða nýrnastarfsemi, sem talið er að hafi dregið hana til dauða.

Það var systir El Aty að þakka að hún komst í aðgerðina á Indlandi á sínum tíma, því hún hóf söfnun fyrir hana á netinu. Fjölmargir lögðu sitt af mörkum sem varð til þess að hægt var fljúga með El Aty Indlands þar sem hún hitti fyrir sérfræðing í hjáveituaðgerðum. Hún hafði þá ekki farið út úr húsi í aldarfjórðung.

Frétt af mbl.is

Vilja bjarga heimsins þyngstu konu

El Aty var 5 kg við fæðingu og var greind með fíla­veiki (elephanti­asis) en sjúk­dóm­ur­inn veld­ur því að út­lim­ir stækka og af­mynd­ast vegna bjúgs af völd­um stíflaðra æða.

• Blogga um frétt