Mannætur tóku „sjálfu“

Maður heldur á farsíma.
Maður heldur á farsíma. AFP

Rússneskir lögreglumenn hafa handtekið par sem er grunað um að hafa myrt konu og lagt hluta af henni sér til munns, eftir að þeir fundu „sjálfu“ af þeim með líkamshlutum fórnarlambsins.

35 ára maður og eiginkona hans voru handtekin í Krasnodar í suðurhluta Rússlands eftir að sími sem fannst með myndunum var afhentur lögreglunni.

Talið er að maðurinn hafi myrt konuna í ölæði eftir rifrildi þeirra á milli úti í óbyggðum 8. september og bútað lík hennar niður í framhaldinu á meðan eiginkona hans var á staðnum.

„Eftir að hafa framið glæpinn tók maðurinn ljósmyndir af sér með hlutum af líki konunnar með farsíma sínum,“ sagði lögreglan.

Þegar maðurinn var handtekinn sagðist hann hafa fundið líkamshlutana úti í skógi og lýsti yfir sakleysi sínu. 

Mál tengd mannáti hafa komið upp af og til í Rússlandi undanfarin ár. Árið 2010 voru þrír heimilislausir menn dæmdir í fangelsi fyrir að hafa drepið mann og lagt hann sér til munns.

mbl.is
Fleira áhugavert
Fleira áhugavert