Trump segir þingmanninn ljúga
Setja bókamerki
Donald Trump Bandaríkjaforseti segir að fullyrðingar þess efnis að hann hafi grætt ekkju hermanns sem var drepinn í hernaðaraðgerðum í Níger 4. október séu tóm þvæla.
Þingmaður demókrata, Frederica Wilson, segist hafa verið í áfalli þegar hún heyrði það sem forsetinn sagði við ekkju David Johnson en hún fullyrðir að ekkjan hafi grátið eftir að Trump ræddi við hana í síma.
„Hann vissi hvað hann var að koma sér út í,“ fullyrðir Wilson að Trump hafi sagt við ekkjuna, Myeshiu. Johnson var einn fjögurra hermanna sem létust í árás vígamanna al-Queda í byrjun mánaðarins.
„Ég hef sönnun þess efnis að þingmaður demókrata skáldaði upp því sem ég sagði við ekkju hermanns sem féll á vígvellinum. Sorglegt!“ skrifaði Trump á Twitter í morgun.
Wilson sagði við CNN að Trump hefði hringt í Myeshiu rétt áður en líkkista eiginmanns hennar var flutt til Miami. Þar sagði forsetinn ekkjunni að hermaðurinn hafi vitað hvað biði hans í hernum.
„Allir vita að þú gætir endað á því að snúa aldrei heim úr stríði. Það þýðir hins vegar ekki að þú minnir syrgjandi ekkju á það,“ sagði Wilson.
Krefjast stöðvunar framkvæmda
„Hvílir mikil leynd yfir þessu öllu“
Árshátíð ríkislögreglustjóra haldin í Tékklandi
Væri að ljúga ef ég segðist ekki stressaður
„Umsátursástand“
„Það þarf að vinna mikinn fjölda upp“
Shakespeare fannst í skókassa
Banna mengandi búnað sem leyfður er á Íslandi