Abe öruggur með sigur

Útgönguspár benda til þess að Frjálslyndir demókratar, flokkur forsætisráðherrans Shinzo Abe, fari með öruggan sigur í þingkosningunum sem fara fram í Japan í dag.

Frétt af mbl.is

Abe líklegur til að endurnýja umboð sitt

Ein útgönguspáin bendir til þess að flokkur Abe muni fá 311 þingsæti, eða tvo þriðju þingsæta, en aðrar spár hafa bent til þess að fylgið verði eitthvað minna.

Abe er nauðsynlegt að halda meirihluta í þinginu eigi honum að takast það ætlunarverk sitt að gera breytingar á stjórnarskrá landsins, sem í dag hljóðar upp á að Japanar hafni stríði með öllu.

Til þessa hafa japönsk stjórnvöld farið í kringum lagagreinina með því að fullyrða að her landsins starfi eingöngu til að verja þjóðina. Abe hefur hins vegar ekki lagt dul á að hann vilji breyta lögunum.

Talið er að hörð viðbrögð hans við kjarnorkutilraunum Norður-Kóreu hafi tryggt Frjálslyndum demókrötum öruggan meirihluta í þinginu og hét Abe því í dag að taka áfram fast á málefnum Norður-Kóreu.

• Blogga um frétt