Ráðherrar og flokksmenn aðskilnaðarsinna í Katalóníu, sem sitja á bak við lás og slá á meðan rann­sókn stend­ur yfir á aðild þeirra að bar­áttu Katalón­íu fyr­ir aðskilnaði frá Spáni, munu skipa sæti á lista fyrir kosningarnar sem fara fram í héraðinu 21. desember.

Af þeim 14 ráðherrum heimastjórnarinnar í Katalóníu sem stjórnvöld í Madríd settu af í október eru 12 á listum aðskilnaðarflokkanna tveggja. Flokkarnir sem um ræðir eru annars vegar flokkur forseta Katalóníu, Carles Puigdemon, „Sameinuð Katalónía“, og hins vegar Vinstriflokkur Katalóníu (ERC), sem er leiddur af varaforsetanum Oriol Junqueras.

Sjö af ráðherrunum fyrrverandi sitja nú í gæsluvarðhaldi og er Junqueras þar á meðal. Ráðherrarnir eru ákærðir fyr­ir upp­reisn, upp­reisn­ar­áróður og mis­notk­un á op­in­beru fé.

Ekki er ljóst hvort ráðherrarnir verði enn í haldi þegar kosningarnar fara fram eftir tæpar fimm vikur.

Varaforseti Katalóníu, Oriol Junqueras, er meðal þeirra fyrrverandi ráðherra heimastjórnarinnar sem sitja í varðhaldi spænskra yfirvalda. AFP

Tengdar fréttir

Sjálfstæð Katalónía?

Puigdemont tekinn höndum

• Katalónskir aðskilnaðarsinnar hljóta uppreist æru
• Sjálfstæðissinnar með meirihluta
• Sjálfstæðissinnar taka sæti á Evrópuþinginu
• Stórsigur öfga-hægriflokks á Spáni

» Fleiri tengdar fréttir

• Blogga um frétt