Robert Mugabe, forseti Simbabve, ávarpaði þjóð sína fyrir skömmu í sjónvarpi þar sem búist var við því að hann myndi segja af sér. Fréttatofa AFP hafði það eftir öruggum heimildum að forsetinn hefði samþykkt að segja af sér. 

Mugabe lauk hins vegar ávarpinu án þess að segja af sér. 

#zimbabwe https://t.co/FHtzbmXu7V

— 402 Music Recordings (@402Music) November 19, 2017

Stjórn­ar­flokk­ur Simba­bve, ZANU-PF, steypti Robert Muga­be, for­seta lands­ins, af stóli sem for­manni flokks­ins fyrr í dag. Í hans stað hef­ur vara­for­set­inn fyrr­ver­andi, Em­mer­son Mnangagwa, verið val­inn til að gegna embætt­inu. Flokkurinn gaf Mugabe frest til klukkan tíu í fyrramálið til að segja af sér embætti. Að öðrum kosti biði hans ákæra.

Stuttu eftir að Mugabe var steypt af stóli átti hann fund með æðstu hershöfðingjum landins. Í ávarpi sínu sagði hann að eftir fundinn hefði honum verið ljóst hvaða málefnum er brýnt að taka á í landinu. Hann sagði jafnframt að eðlilegt ástand þyrfti að nást í landinu sem allra fyrst.  

Mugabe segist ætla að sitja áfram sem forseti að minnsta kosti þar til flokksþing ZANU-PF fer fram í desember. 

Tengdar fréttir

Simbabve

Áratugur valdarána í Afríku

• Áfrýjar dómi um að grafa upp lík Mugabe
• Sektuð um kýr og geitur fyrir greftrun Mugabes
• Robert Mugabe látinn
• Nauðgað af hermönnum

» Fleiri tengdar fréttir

• Blogga um frétt