Sex sýrlenskir flóttamenn, sem höfðu verið handsamaðir í Þýskalandi vegna gruns um að skipuleggja hryðjuverk í landinu, voru látnir lausir í dag vegna skorts á sönnunargögnum.
Mennirnir, sem eru á aldrinum 20 til 28 ára, voru handsamaðir í aðgerðum lögreglu í borgunum Kassel, Essen, Hannover og Leipzig í gær.
Þýskir fjölmiðlar greina frá því að talið er að jólamarkaðir hafi verið skotmörk mannanna.
Saksóknari í Frankfurt sagði að sönnunargögnin væru ófullnægjandi en mennirnir voru auk þess grunaðir um að vera tengdir Ríki íslams.
Þýsk yfirvöld hækkuðu viðbúnaðarstig sitt þegar árás var gerð á jólamarkað í Berlín í fyrra en 12 létust í árásinni.