Kýrin flúði helgileikinn í tvígang

Kýrin Stormy virtist harðákveðin í að taka ekki þátt í …
Kýrin Stormy virtist harðákveðin í að taka ekki þátt í helgileiknum. Skjáskot/Twitter

Kýrin Stormy lét lögregluyfirvöld í Philadelphiu í Bandaríkjunum heldur betur hafa fyrir sér. Stormy átti að taka þátt í uppfærslu á helgileiknum, þar sem lifandi dýr eru höfð í aukahlutverkum að því er BBC greinir frá.

Henni hugnaðist þó ekki leikarastarfið betur en svo að hún flúði í tvígang úr gerðinusem hún var geymd í , við kirkju í borginni.

Voru lögreglumenn í bæði skiptin sendir á eftir kúnni sem lét þá elta sig góðan spöl áður en hún var handsömuð.

Gárungarnir voru ekki seinir á sér að stofna Twitter reikning í nafni Stormy eftir þessar æsilegu flóttatilraunir og er Stormy látin fullyrða þar að ástæða flóttans sé sú að hún trúi ekki á meyfæðinguna. 

mbl.is
Fleira áhugavert
Fleira áhugavert