Forsætisráðherra Nýja-Sjálands, Jacinda Ardern, greindi frá því á samfélagsmiðlum í dag að hún ætti von á barni í júní.
Ardern varð yngsti forsætisráðherra landsins frá árinu 1856 þegar hún myndaði samsteypustjórn frá miðju til vinstri í október. Ardern er 37 ára gömul og er þetta fyrsta barn hennar og manns hennar, Clarke Gayford.
Fjölmargir hafa óskað henni til hamingju á netinu eftir að hún tilkynnti um þungunina á Instagram. Flokkur Ardern, Verkamannaflokkurinn, er annar stærsti flokkurinn á þingi í Nýja-Sjálandi en enginn flokkur fékk meirihluta atkvæða.
A post shared by Jacinda Ardern (@jacindaardern) on Jan 18, 2018 at 1:44pm PST