Demókratar á Bandaríkjaþingi hafa samþykkt að styðja frumvarp um að fjármagn verði tímabundið veitt í að binda enda á lokun alríkisins að hluta til.
Hundruð þúsunda starfmanna bandaríska alríkisins mættu ekki til vinnu í dag eftir að atkvæðagreiðslu um áframhaldandi fjárheimildir ríkisins var frestað þar sem ekki náðist samkomulag í öldungadeildinni.
Chuck Schumer, leiðtogi demókrata í öldungadeild, sagðist hafa náð samkomulagi við Mitch McConnell, leiðtoga repúblikana, í skiptum fyrir að brugðist verði við áhyggjum demókrata vegna hundraða þúsunda innflytjenda sem voru fluttir til landsins sem börn.
Demókratar neituðu að styðja frumvarpið nema tryggt yrði að fólkinu verði ekki vísað úr landi.
Alríkinu var lokað á miðnætti á föstudag þegar ekki náðist samkomulag um tímabundnar fjárheimildir ríkisins. Þetta þýðir hins vegar ekki að allir starfsmenn alríkisins sitji heima launalausir því misjafnt er eftir stofnunum hvernig staða þeirra er fjárhagslega.