Þýskur nemandi stunginn til bana

Nemandi við gagnfræðiskóla skammt frá þýsku borginni Dortmund var myrtur í morgun af skólafélaga sínum, að sögn lögreglunnar.

Í þýskum fréttamiðlum kemur fram að fimmtán ára nemandi hafi stungið 14 ára pilt til bana.

Kona leiðir börn fram hjá sjúkra- og lögreglubílum skammt frá skólanum. AFP

Árásin var gerð um klukkan 8 í morgun að staðartíma í skólanum Käthe Kollwitz í bænum Lünen, að því er BBC greindi frá. 

Einn unglingur hefur verið handtekinn grunaður um morð.

Prestar voru kallaðir í skólann til að veita nemendum og foreldrum stuðning.

Yfirvöld hafa undanfarið heitið því að takast á við aukið ofbeldi ungs fólks í vesturhluta Þýskalands. Samkvæmt lögreglunni var einn af hverjum fimm afbrotamönnum árið 2016 yngri en 21 árs.

Lögreglan stendur vörð fyrir utan skólann. AFP

• Blogga um frétt