Að minnsta kosti átján manns fórust og tuttugu særðust þegar tvær bílsprengjur sprungu skammt frá forsetahöllinni og hóteli í Mogadishu, höfuðborg Sómalíu.
Hryðjuverkasamtökin Shabaab segjast bera ábyrgð á árásinni.
Fyrri árásinni var fylgt eftir með byssuskotum, skammt frá Villa Somalia, en skömmu síðar sprakk hin sprengjan nálægt hótelinu.
Shabaab-samtökin segja að árásinni hafi verið beint gegn ríkisstjórninni og öryggissveitum.