Einn liðsmanna Cirque du Soleil-fjölleikahópsins lést eftir að hann féll á svið á sýningu hópsins í Tampa Bay í Flórída í gær.
Yann Arnaud, 38 ára gamall Frakki, missti fótanna í atriði sínu í sýningu, féll á sviðið og lést á spítala síðar um kvöldið.
„Við erum öll í miklu áfalli vegna málsins,“ kom meðal annars fram í yfirlýsingu frá Cirque du Soleil eftir dauða Arnaud.
Rannsókn á því hvað fór úrskeðis stendur yfir en Cirque du Soleil aflýsti tveimur sýningum sem áttu að fara fram á Tampa í dag.