Tyrkneskar hersveitir hafa náð fullu valdi á Afrin-borg í Sýrlandi en fyrr í dag var greint frá því að Tyrkir hefðu helming borgarinnar á sínu valdi.
Tyrkneskir hermenn veifuðu fánum og rifu niður styttur eftir að þeir náðu miðborginni á sitt vald í dag en áhlaup Tyrkja hefur staðið yfir frá því í seint í janúar.
AFP-hefur eftir almennum borgurum í Afrin, þar sem meirihluti íbúa er Kúrdar, að Varnarsveitir kúrda, YPG, hafi hörfað frá borginni.
Aðgerðasinnar segja að í það minnsta 280 óbreyttir borgarar hafi fallið í áhlaupi Tyrkja en þarlend yfirvöld neita því.
„Flestir hryðjuverkamennirnir hafa flúið með skottið á milli lappanna,“ sagði Recep Tayyip Erdogan Tyrklandsforseti.