Facebook lokar síðu uppljóstrarans
Setja bókamerki
Facebook hefur lokað Facebook-síðu Christopher Wylie, eins stofnanda Cambridge Analytica fyrirtækisins, að því er CNN greinir frá. Wylie var jafnframt sá sem greindi frá því að Cambridge Analytica hefði misnotað persónuupplýsingar sem það komst yfir í gegnum Facebook.
„Úthýst af Facebook. Fyrir að segja frá, nokkru sem þeir hafa sjálfir vitað í tvö ár,“ sagði Wylie á Twitter í gær.
Fjölmiðlar greindu um helgina frá því að Cambridge Analytica hafi nýtt persónuupplýsingar 50 milljón Facebook notenda til að útbúa umfangsmikinn gagnagrunn um bandaríska kjósendur án vitneskju Facebook. Gagnagrunnurinn var síðan notaður til að reyna að fá ókveðna kjósendur til að kjósa Donald Trump í bandarísku forsetakosningunum haustið 2016.
Komumst „inn í hug og hjörtu Bandaríkjamanna“
Facebook úthýsti Cambridge Analytica af samfélagsmiðlinum eftir að fréttir bárust af málinu. Í yfirlýsingu frá Facebook segir að fyrirtækið hafi „fengið fréttir af að, andstætt þeim vottunum sem það hafi fengið, þá hafi ekki öllum gögnum verið eytt“. Þá sagði talsmaður Facebook einnig að þau gögn hafi ekki verið fengið með tölvuþjófnaði.
Lokun síðu Wylie er nýjasta útspilið í málinu. Hann starfaði sem gagnasérfræðingur hjá Cambridge Analytica og greindi dagblöðunum New York Times og Observer frá starfsemi fyrirtækisins, sem og rannsakendum netglæpa í Bretlandi.
Að komast yfir upplýsingarnar „gerði okkur kleift að komast inn í hug og hjarta Bandaríkjamanna á hátt sem að aldrei hefur verið gert áður,“ sagði Wylie við bresku Channel 4 sjónvarpsstöðina.
Facebook segir Wylie hafa neita samstarfi um rannsókn málsins fyrr en að Facebook-síða hans verði opnuð aftur. „Í ljósi þess að hann notaði Facebook til að notfæra sér prófíla milljóna manna, þá er það nokkuð sem við getum ekki gert á þessum tímapunkti,“ sagði í yfirlýsingu frá Paul Grewal lögfræðingi Facebook. Fyrirtækið muni því halda áfram rannsókn sinni á málinu án aðstoðar Wylie.
Cambridge Analytica fullyrðir að þegar fyrirtækið hafi komist að því hvernig upplýsingar, sem það fékk frá Alexandr Kogan, prófessor við Cambridge háskóla, voru fengnar, þá hafi það eytt öllum skjölum þeim tengdum og að það hafi verið gert strax í desember 2015.
Engar þeirra upplýsinga hafi verið nýttar í kosningaherferð Trumps og að fyrirtækið hafi hvorki nýtt sér né geymt Facebook prófíla.
„Tíminn er runninn út fyrir Kristján Loftsson“
Starfsfólk gæti fengið reikning frá Skattinum
Aukin tíðni þungunarrofa hjá yngsta aldurshópnum
„Þögnin er ærandi“
Markaðurinn hitnar og leiguverð hækkar hratt
Segir óábyrgt að skipta út öllu bankaráðinu