Maður sprengdi sig í loft upp í framan háskólann í Kabúl í Afganistan í dag. Að minnsta kosti 26 féllu í árásinni og tugir særðust að því er talsmaður heilbrigðisráðuneytisins segir.
Árásarmaðurinn kom fótgangandi að háskólanum og sprengdi sig svo í loft upp. Sjónarvottur að árásinni segist hafa séð að minnsta kosti fjóra liggja í blóði sínu eftir að sprengjan sprakk.
Enn hefur enginn lýst yfir ábyrgð á árásinni en bæði talíbanar og vígamenn Ríkis íslams hafa gert fjölmargar árásir í Afganistan að undanförnu.