Lögreglan í Armeníu hefur handtekið þingmann stjórnarandstöðunnar sem hefur farið fyrir mótmælum gegn stjórnvöldum sem hafa staðið yfir í landinu að undanförnu.
Þingmaðurinn Nikol Pashinyan var handtekinn eftir að forsætisráðherra landsins, Serzh Sargsyan, gekk út af fundi þeirra sem var sýndur í beinni útsendingu.
Á fundinum, sem stóð aðeins yfir í þrjár mínútur, krafðistPashinyan þess að ráðherrann myndi segja af sér. Sargsyan sagði hins vegar kröfuna ekki vera neitt annað en fjárkúgun og gekk út.
Stjórnarandstaðan í landinu heldur því fram að nýleg breyting á stjórnarskrá landsins sé tilraun Sargsyan til að vera áfram við völd.
Þingið samþykkti breytinguna sl. þriðjudag. Hún eflir forsætisráðuneytið, en tók við embættinu í síðustu viku. Hann hafði verið forseti í tvö kjörtímabil þegar hann steig til hliðar og tók við ráðherraembættinu.